Gedicht vom Liacht
Wann vor mir a Kerzn brennt, frag ih mi oft, warum Advent
und die ganze Weihnachtszeit früher schena war wia heut.
Heut hat die Nacht a andre Liachtn, scharf und grell, wohl a zum Fürchtn,
denn künstlich is sei Helligkeit und bringt in d´Herzen Dunkelheit.
Im Liachtameer versinkt Advent in a Zeit, die uns verblendt,
weils koa Schein is, nur a Flimmer.
Was mia brauchan, dös is da Schimmer
der net von draußen kommt, der drinn im Herz entspringt.
Da muaß Beginn vom Liacht sei, dös sich draußt verbreit.
Dann wird´s wieda dö stille Zeit.
(Angelika Fürthauer)